MANDROSO HO ANY AMIN’NY FANJAKAN’ANDRIAMANITRA
NY FAMPAKARAM-BADIN'NY
ZANAK'ONDRY
TENIN’ANDRIAMANITRA
Genesisy 1: 24-31Matio 5: 31-48Apokalypsy 19:1-10
Genesisy 1: 24-31[Ny namoronan'Andriamanitra izao tontolo izao]
(Genesisy 1:24) « Ary Andriamanitra nanao hoe: Aoka ny tany hamoaka zava-manan'aina samy araka ny karazany avy, dia biby fiompy sy biby mandady sy mikisaka ary bibi-dia, samy araka ny karazany avy; dia nisy izany. » (1:25) « Ary Andriamanitra nanao ny bibi-dia, samy araka ny karazany avy, sy ny biby fiompy, samy araka ny karazany avy, ary ny biby rehetra izay mandady na mikisaka amin'ny tany, samy araka ny karazany avy. Ary hitan'Andriamanitra fa tsara izany. » (1:26) « Ary Andriamanitra nanao hoe: Andeha Isika hamorona olona tahaka ny endritsika, araka ny tarehintsika ; ary aoka izy hanjaka amin'ny hazandrano ao amin'ny ranomasina sy ny voro-manidina sy ny biby fiompy sy ny tany rehetra ary ny biby rehetra izay mandady na mikisaka amin'ny tany. » (1:27) « Ary Andriamanitra nahary ny olona tahaka ny endriny; tahaka ny endrik'Andriamanitra no namoronany azy; lahy sy vavy no namoronany azy. » (1:28) « Ary Andriamanitra nitso-drano azy hoe: Maroa fara sy mihabetsaha ary mamenoa ny tany, ka mampanompoa azy; ary manjakà amin'ny hazandrano ao amin'ny ranomasina sy ny voro-manidina ary ny biby rehetra izay mihetsiketsika ambonin'ny tany. » (1:29) « Ary Andriamanitra nanao hoe: Indro, efa nomeko anareo ny anana manintsam-boa rehetra izay ambonin'ny tany rehetra ary ny hazo rehetra izay misy voa sady manintsam-boa; dia ho fihinana anareo ireny. » (1:30) « Ary ny amin'ny bibi-dia rehetra sy ny voro-manidina rehetra ary ny zava-manan'aina rehetra izay mandady na mikisaka amin'ny tany, dia efa nomeko azy ny zava-maitso rehetra ho fihinany; dia nisy izany. » (1:31) « Ary hitan'Andriamanitra izay rehetra nataony, ary, indro, tsara indrindra izany. Dia nisy hariva, ary nisy maraina, andro fahenina izany. »
Matio 5:31-48[Toriteny tao an-tandrombohitra](Matio 5:31) « Ary voalaza hoe: Na zovy na zovy no misaotra ny vadiny, dia aoka izy hanome an-dravehivavy taratasy fisaoram-bady (Deo. 24. 1). » (Matio 5:32) « Fa Izaho kosa milaza aminareo hoe: Izay rehetra misaotra ny vadiny afa-tsy noho ny fijangajangana ihany dia mampijangajanga azy; ary na zovy na zovy no manambady izay voasaotra, dia mijangajanga. » (Matio 5:33)
« Ary koa, efa renareo fa voalaza tamin'ny ntaolo hoe: Aza mianian-tsy tò, fa efao amin'i Jehovah ny fianiananao (Lev. 19. 12). » (Matio 5:34) « Fa Izaho kosa milaza aminareo hoe: Aza mianiana akory na amin'ny lanitra, fa seza fiandrianan'Andriamanitra izany; » (Matio 5:35) « na amin'ny tany, fa fitoeran-tongony izany; na amin'i Jerosalema, fa tanànan'ny Mpanjaka lehibe izany. » (Matio 5:36) « Aza mianiana amin'ny lohanao; fa tsy mahay mahafotsy na mahamainty na dia singam-bolo iray akory aza ianao. » (Matio 5:37) « Fa aoka ny teninareo ho Eny, eny; Tsia, tsia; fa izay mihoatra noho izany dia avy amin'ny ratsy*.[*Na amin'ilay ratsy] »
(Matio 5:38) « Efa renareo fa voalaza hoe: Maso solon'ny maso, ary nify solon'ny nify (Eks. 21. 24). » (Matio 5:39) « Fa Izaho kosa milaza aminareo hoe: Aza manohitra izay manisy ratsy anareo; fa na zovy na zovy no mamely tahamaina ny takolakao ankavanana, atolory azy koa ny anankiray. » (Matio 5:40) « Ary izay te hiady aminao ka tahaka ny akanjonao, dia avelao ho azy koa ny lambanao. » (Matio 5:41) « Ary na zovy na zovy no hanery anao handeha maily* iray, mandehana miaraka aminy maily roa.[*Na: kilometatra] »
(Matio 5:42) « Omeo izay mangataka aminao; ary aza ilaoza-mihodina izay te hisambotra aminao. »
(Matio 5:43) « Efa renareo fa voalaza hoe: Tiava ny namanao (Lev. 19. 18), ary mankahalà ny fahavalonao. » (Matio 5:44) « Fa Izaho kosa milaza aminareo hoe: Tiava ny fahavalonareo, ary mivavaha ho an'izay manenjika anareo, » (Matio 5:45) « mba ho tonga zanaky ny Rainareo Izay any an-danitra ianareo; fa Izy mampiposaka ny masoandrony amin'ny ratsy fanahy sy ny tsara fanahy ary mampilatsaka ny ranonorana amin'ny marina sy ny tsy marina. » (Matio 5:46) « Fa raha izay tia anareo ihany no tianareo, inona no valim-pitia azonareo? Moa na dia ny mpamory hetra aza tsy mba manao izany koa va? » (Matio 5:47) « Ary raha ny rahalahinareo ihany no arahabainareo, inona no ataonareo mihoatra noho ny sasany? Moa na dia ny jentilisa aza tsy mba manao toy izany ihany va? » (Matio 5:48) « Koa amin izany aoka ho tanteraka ianareo toy ny fahatanterahan'ny Rainareo Izay any an-danitra. »
Apokalypsy 19:1-10
[Saotra ataon'ny any an-danitra noho ny nitsarana an'i Babylona]
[Haleloia] = Fampakarambadin’ny Zanak’ondry
(Apokalypsy 19:1) « Rehefa afaka izany, dia nahare hoatra ny feon'ny vahoaka betsaka tany an-danitra aho nanao hoe: Haleloia! Ny famonjena sy ny voninahitra ary ny hery dia an'Andriamanitsika; » (19:2) « Fa marina sy mahitsy ny fitsarana ataony; Fa nitsara ilay vehivavy janga lehibe Izy - Dia ilay nandoto ny tany tamin'ny fijangajangany - Ary namaly azy noho ny ran'ny mpanompony izay nalatsaky ny tànany. » (19:3) « Dia niteny fanindroany ireo hoe: Halelola! Ary ny setroky ny tanàna dia miakatra mandrakizay mandrakizay. » (19:4) « Ary ny loholona* efatra amby roa-polo sy ny zava-manan'aina efatra dia niankohoka nivavaka tamin'Andriamanitra, Izay mipetraka eo ambonin'ny seza fiandrianana, ka nanao hoe: Amena; Haleloia! [* Gr. presbytera] » (19:5) « Ary nisy feo koa nivoaka avy teo amin'ny seza fiandrianana ka nanao hoe: Miderà an'Andriamanitsika ianareo mpanompony rehetra, dia ianareo izay matahotra Azy, na ny kely na ny lehibe. »
[Fampakarambadin’ny zanak’ondry]
(19:6) « Dia nahare feo tahaka ny an'ny vahoaka betsaka aho, sy tahaka ny firohondrohon'ny rano be, ary tahaka ny fikotroky ny kotrokorana mafy, nanao hoe: Haleloila! Fa ny Tompo Andriamanitsika, dia ny Tsitoha, no Mpanjaka. » (19:7) « Aoka isika hifaly sy ho ravoravo ka hanome voninahitra Azy; fa tonga ny fampakaram-badin'ny Zanak'ondry. Ka efa niomana ny vadiny. » (19:8) « Ary nasaina nitafy rongony fotsy madinika sady madio no mangatsakatsaka izy; fa izany rongony fotsy madinika izany dia ny asa marina ataon'ny olona masina. » (19:9) « Ary hoy koa izy tamiko Soraty: Sambatra izay nantsoina ho amin'ny fanasana fampakaram-badin'ny Zanak'ondry. Fa hoy izy tamiko: Ireo dia teny marin'Andriamanitra. » (19:10) « Dia niankohoka teo amin'ny tongony aho mba hivavaka aminy. Ary hoy izy tamiko: Tandremo. aza manao izao; fa mpanompo namanao ihany aho sady naman'ireo rahalahinao izay mitana ny filazana an'i Jesosy; Andriamanitra ihany no ivavaho; fa ny filazana an'i Jesosy no fanahin'ny faminaniana. »
TORITENY
Dr. Daniel Rakotondravony, Fiangonan’Andriamanitra Miray
Ny Fampakaram-Badin'ny Zanak'ondry
Ø Ny olombelona, izay zavaboary ambony laharana indrindra, no hany zava-manan’aina afaka manao fanekem-panambadiana sy manorina fianakaviana.
Genesisy 1 :24-31
Genesisy 1:24-25: Ankoatry ny olombelona, dia ny tany no nasain’Andriamanitra namoaka ny zava-manan’aina rehetra araka ny karazany avy.
(Genesisy 1:26-28) « Ary Andriamanitra nanao hoe: Andeha Isika hamorona olona tahaka ny endritsika, araka ny tarehintsika ; ary aoka izy hanjaka amin'ny hazandrano ao amin'ny ranomasina sy ny voro-manidina sy ny biby fiompy sy ny tany rehetra ary ny biby rehetra izay mandady na mikisaka amin'ny tany. » (Genesisy 1:27) « Ary Andriamanitra nahary ny olona tahaka ny endriny; tahaka ny endrik'Andriamanitra no namoronany azy; lahy sy vavy no namoronany azy. » (Genesisy 1:28) « Ary Andriamanitra nitso-drano azy hoe: Maroa fara sy mihabetsaha ary mamenoa ny tany, ka mampanompoa azy; ary manjaka amin'ny hazandrano ao amin'ny ranomasina sy ny voro-manidina ary ny biby rehetra izay mihetsiketsika ambonin'ny tany. »
Genesisy 1:29-31: Nomen’Andriamanitra ho fihinan’ny olombelona ny anana manintsam-boa rehetra izay ambonin'ny tany, sy ny hazo rehetra izay misy voa sady manintsam-boa.
Genesisy 1:30: Ny nomen’Andriamanitra ho fihinan’ny bibi-dia rehetra sy ny voro-manidina rehetra ary ny zava-manan'aina rehetra izay mandady na mikisaka amin'ny tany kosa dia ny zava-maitso rehetra.
(Genesisy 1:31) « Ary hitan'Andriamanitra izay rehetra nataony, ary, indro, tsara indrindra izany. Dia nisy hariva, ary nisy maraina, andro fahenina izany. »
Ø Araka ny karazan’Andriamanitra no namoronany ny olombelona, fa tsy araka ny karazam-biby na zavatra hafa.
(Genesisy 1:27) « Ary Andriamanitra nahary ny olona tahaka ny endriny; tahaka ny endrik'Andriamanitra no namoronany azy; lahy sy vavy no namoronany azy. »
Ø Asian’Andriamanitra fiavahany ny firaisana misy fifankatiavana eo amin’ny mpivady, sy ny firaisana hafa atao any ivelan’ny fanambadiana. Hebreo 13 :4.
(Hebreo 13:4) « Aoka hanan-kaja amin'ny olona rehetra ny fanambadiana, ary aoka tsy ho voaloto ny fandriana; fa ny mpijangajanga sy ny mpaka vadin'olona dia hohelohin'Andriamanitra. »
Ø Io fanekem-panambadiana io dia ohatra na karazana fifandraisana tsy misy raha tsy eo amin’ny ankohonan’Andriamanitra irery. Ny fanekem-panambadiana dia natao hanorenana fifankatiavana marina. Genesisy 2 :24-25.
(Genesisy 2:24) « Ary noho izany ny lehilahy dia handao ny rainy sy ny reniny ka hikambana amin'ny vadiny; dia ho nofo iray ihany ireo. » (2:25) « Ary nitanjaka izy mivady, dia ralehilahy sy ny vadiny, nefa tsy nahalala henatra izy. »
Ø Ny Fiangonana, amin'ny maha firenen'Isiraely ara-panahy azy, dia hanambady an'i Jesosy Kristy amin'ny fiverenany.
Imbetsaka Andriamanitra no mampiasa ny sary an’ohatra hoe vehivavy, hamaritana ny Fiangonana ao amin’ny Baiboly. Nampianarin’i Paoly ny Korintiana fa ny Fiangonana dia toy ny fofombady virijina ho an’i Kristy: (2 Korintiana 11:2) « Fa fahasaro-piaro araka an'Andriamanitra no mahasaro-piaro ahy aminareo; fa nataoko fofombadin'ny lehilahy iray ianareo, mba hatolotra tahaka ny virijina madio ho an'i Kristy. »
Ø Eo ambanin'ny fanekena vaovao, dia tsy maintsy manaporofo isika fa vonona hankatò an'Andriamanitra alohan'ny hidirantsika amin'i fifanekem-panambadiana amin'i Kristy.
Tahaka an’Isiraely fahiny anefa, mety tsy hahatandrina ny fanekena isika. Ny Apokalypsy 2 sy 3 (Fiangonana fito) dia mirakitra ny tantaran'ny tsi-fahombiazan'ny Fiangonana. Ny tantaran'ny Fiangonana vao haingana dia mampiseho amintsika fa ny fiangonan’i Laodikia dia mizotra lalana mitovy amin'ny an’Isiraely fahiny. Manitsakitsa-bady ara-panahy izy ireo noho ny fanovana maro nataony tamin’ny fotopampianarana. Ary tsy maintsy hiaritra fanafihana, sy fahababoana ary fahafatesana izy ireo. Tokony tsy hivadika amin'ny fanekem-pihavanana isika mandritra ity vanim-potoana maha “fofombady” ity. Izany dia ataontsika amin'ny alalan'ny fitandremana ny Didy Folo, na ara-batana na ara-panahy, ary amin'ny fitandremana ny fotopampianaran'Andriamanitra.
Ø Tao amin'ny toriteny teo an-tendrombohitra, Jesosy nanamafy ny hevi-dalin’ny didin’Andriamanitra
Nanome fampianarana antsipiriany momba ny fitazonana ny tanjona ara-panahin’ny lalàna Izy. Raha mitandrina ny lalàna isika dia mendrika ny hanambady an'i Jesosy Kristy. Tokony hanamarina ny toetsika isika izao! (Matio 5-7: toriteny teo an-tendrombohitra).
ü Fanamafisan’i Jesosy ny hevi-dalin’ny didy mandrara ny fisaraham-bady (Matio 5:31-32)
(Matio 5:31) « Ary voalaza hoe: Na zovy na zovy no misaotra ny vadiny, dia aoka izy hanome an-dravehivavy taratasy fisaoram-bady (Deo. 24. 1). » (5:32) « Fa Izaho kosa milaza aminareo hoe: Izay rehetra misaotra ny vadiny afa-tsy noho ny fijangajangana ihany dia mampijangajanga azy; ary na zovy na zovy no manambady izay voasaotra, dia mijangajanga. »
ü Fanamafisan’i Jesosy ny hevi-dalin’ny didy mandrara ny fianian-tsi-tò (Matio 5:33-37)
(Matio 5:33) « Ary koa, efa renareo fa voalaza tamin'ny ntaolo hoe: Aza mianian-tsy tò, fa efao amin'i Jehovah ny fianiananao (Lev. 19. 12). » (5:34) « Fa Izaho kosa milaza aminareo hoe: Aza mianiana akory na amin'ny lanitra, fa seza fiandrianan'Andriamanitra izany; » (5:35) « na amin'ny tany, fa fitoeran-tongony izany; na amin'i Jerosalema, fa tanànan'ny Mpanjaka lehibe izany. » (5:36) « Aza mianiana amin'ny lohanao; fa tsy mahay mahafotsy na mahamainty na dia singam-bolo iray akory aza ianao. » (5:37) « Fa aoka ny teninareo ho Eny, eny; Tsia, tsia; fa izay mihoatra noho izany dia avy amin'ny ratsy*.[*Na amin'ilay ratsy] »
ü Fanamafisan’i Jesosy ny hevi-dalin’ny didy mandrara ny famalian-dratsy ny ratsy (Matio 5:38-42)
(Matio 5:38) « Efa renareo fa voalaza hoe: Maso solon'ny maso, ary nify solon'ny nify (Eks. 21. 24). » (5:39) « Fa Izaho kosa milaza aminareo hoe: Aza manohitra izay manisy ratsy anareo; fa na zovy na zovy no mamely tahamaina ny takolakao ankavanana, atolory azy koa ny anankiray. » (5:40) « Ary izay te hiady aminao ka tahaka ny akanjonao, dia avelao ho azy koa ny lambanao. » (5:41) « Ary na zovy na zovy no hanery anao handeha maily* iray, mandehana miaraka aminy maily roa.[*Na: kilometatra] » (5:42) « Omeo izay mangataka aminao; ary aza ilaoza-mihodina izay te hisambotra aminao. »
ü Fanamafisan’i Jesosy ny hevi-dalin’ny didy manao hoe tiava ny namanao (Matio 5:43-48)
(Matio 5:43) « Efa renareo fa voalaza hoe: Tiava ny namanao (Lev. 19. 18), ary mankahalà ny fahavalonao. » (5:44) « Fa Izaho kosa milaza aminareo hoe: Tiava ny fahavalonareo, ary mivavaha ho an'izay manenjika anareo, » (5:45) « mba ho tonga zanaky ny Rainareo Izay any an-danitra ianareo; fa Izy mampiposaka ny masoandrony amin'ny ratsy fanahy sy ny tsara fanahy ary mampilatsaka ny ranonorana amin'ny marina sy ny tsy marina. » (5:46) « Fa raha izay tia anareo ihany no tianareo, inona no valim-pitia azonareo? Moa na dia ny mpamory hetra aza tsy mba manao izany koa va? » (5:47) « Ary raha ny rahalahinareo ihany no arahabainareo, inona no ataonareo mihoatra noho ny sasany? Moa na dia ny jentilisa aza tsy mba manao toy izany ihany va? » (5:48) « Koa amin izany aoka ho tanteraka ianareo toy ny fahatanterahan'ny Rainareo Izay any an-danitra. »
Ø Fifandraisan’i Kristy sy ny Fiangonana: Fifandraisam-panambadiana.
Efesiana 5:22-33
[Fananarana enti-mamporisika azy mba hadio fitondran-tena, ary tsy hanan-tsiny amin'ny toetry ny tokan-tranony]
ü (Efesiana 5:22) « Hianareo vehivavy, maneke ny vadinareo tahaka ny anekena ny Tompo. »
ü (5:23) « Fa ny lahy no lohan'ny vavy, dia tahaka an'i Kristy koa no Lohan'ny fiangonana; ary Izy no mpamonjy ny tena. » (5:24) « Fa tahaka ny aneken'ny fiangonana an'i Kristy no haneken'ny vavy ny lahy koa amin'ny zavatra rehetra. »
ü (5:25) « Hianareo lehilahy, tiava ny vadinareo, dia tahaka ny nitiavan'i Kristy ny fiangonana ka nanolorany ny tenany hamonjy azy, » (5:26) « mba hahamasina azy amin'ny anadiovany azy amin'ny rano fanasana amin'ny teny; » (5:27) « mba horaisiny* ho an'ny tenany izany ho fiangonana malaza tsy misy pentimpentina, na fiketronana, na izay toy izany, fa mba ho masina sady tsy misy tsiny izy. [* Gr. hatolony] » (5:28) « Dia tahaka izany koa, ny lehilahy tokony ho tia ny vadiny tahaka ny tenany ihany. Izay tia ny vadiny dia tia ny tenany. » (5:29) « Fa tsy mba nisy olona tsy tia ny nofony, fa mamelona sy mitaiza azy, dia tahaka an'i Kristy amin'ny fiangonana; » (5:30) « fa momba ny tenany isika. »
ü (5:31) « Ary noho izany ny lehilahy dia handao ny rainy sy ny reniny ka hiray amin'ny vadiny, ary dia ho nofo iray ihany izy roroa (Gen. 2. 24). » (5:32) « Zava-miafina lehibe izany; fa milaza ny amin'i Kristy sy ny fiangonana aho. » (5:33) « Na dia izany aza, samia tia ny vadiny tahaka ny tenany ianareo lehilahy rehetra, ary aoka kosa ny vavy hanaja* ny lahy. *[ Gr. hatahotra] »
Ø Mila miomana ny Fiangonana hanambady i Kristy amin’ny fiverenany
Apokalypsy 19 :1-10ü Apokalypsy 19:1-5 REHEFA AFAKA IZANY …(Averina vakiana)
(Apokalypsy 19:1-5) « Rehefa afaka izany, dia nahare hoatra ny feon'ny vahoaka betsaka tany an-danitra aho nanao hoe: Haleloia! Ny famonjena sy ny voninahitra ary ny hery dia an'Andriamanitsika; » (19:2) « Fa marina sy mahitsy ny fitsarana ataony; Fa nitsara ilay vehivavy janga lehibe* Izy [* vehivahy janga ao amin’ny Apo 17] - Dia ilay nandoto ny tany tamin'ny fijangajangany - Ary namaly azy noho ny ran'ny mpanompony izay nalatsaky ny tànany. » (19:3) « Dia niteny fanindroany ireo hoe: Halelola! Ary ny setroky ny tanàna dia miakatra mandrakizay mandrakizay. » (19:4) « Ary ny loholona* efatra amby roa-polo sy ny zava-manan'aina efatra dia niankohoka nivavaka tamin'Andriamanitra, Izay mipetraka eo ambonin'ny seza fiandrianana, ka nanao hoe: Amena; Haleloia! [* Gr. presbytera] » (19:5) « Ary nisy feo koa nivoaka avy teo amin'ny seza fiandrianana ka nanao hoe: Miderà an'Andriamanitsika ianareo mpanompony rehetra, dia ianareo izay matahotra Azy, na ny kely na ny lehibe. »
Fanamarihana: Ny Apo 19 dia miompana amin’ny fifaranana’ny fahoriana sy ny fiavian’i Kristy fanindroany amim-boninahitra eto an-yany mba handringana ny bibidia sy ny mpaminany sandoka ary ireo ireo mpanohitra an’Andriamanitra, sady hiara-manjaka amin’ny olony masina.
ü Apokalypsy 19:6-10. EFA NIOMANA NY VADINY… [Fampakarambadin’ny Zanak’ondry]
Ny Baiboly dia maneho ny Fiangonana toy ny vadin’i Kristy. Inona no hevitr’izany ankehitriny sy amin’ny ho avy ?
· Inona no karazana fitafiana ho entin-dravehivavy amin’ny andro fampakaram-bady – rehefa miverina eto an-tany Jesosy Kristy ?
(Apokalypsy 19:6) « Dia nahare feo tahaka ny an'ny vahoaka betsaka aho, sy tahaka ny firohondrohon'ny rano be, ary tahaka ny fikotroky ny kotrokorana mafy, nanao hoe: Haleloila! Fa ny Tompo Andriamanitsika, dia ny Tsitoha, no Mpanjaka. » (19:7) « Aoka isika hifaly sy ho ravoravo ka hanome voninahitra Ary; fa tonga ny fampakaram-badin'ny Zanak'ondry. Ka efa niomana ny vadiny. » (19:8) « Ary nasaina nitafy rongony fotsy madinika sady madio no mangatsakatsaka izy; fa izany rongony fotsy madinika izany dia ny asa marina ataon'ny olona masina. » (19:9) « Ary hoy koa izy tamiko Soraty: Sambatra izay nantsoina ho amin'ny fanasana fampakaram-badin'ny Zanak'ondry. Fa hoy izy tamiko: Ireo dia teny marin'Andriamanitra. »
· Ho voaomana ara-panahy ho amin’ny fampakaram-bady ny Fiangonana. Aseho, mitafy akanjo tsara sy mahafinaritra izy, izay manambara ny asa marina ataony. Fantatrao ve ny fahamarinana araka an’Andriamanitra ? Ny Salamo 119 :172 no mamaritra azy :
(Salamo 119:172) « Hihira ny teninao ny lelako, Fa marina ny didinao rehetra. »
Ny antsoina hoe asa marina dia ny fankatoavana ny didin’Andriamanitra, sy ny ezaka maharitra, manaraka ny ohatra tanteraka nomen’i Jesosy Kristy.
· Ahoana no anomanan’i Kristy ny Fiangonana ho amin’ny fampakaram-bady malaza ? Efesiana 5: 22-33 sy 5:25-27 : jereo etsy aloha
(Efesiana 5:25) « Hianareo lehilahy, tiava ny vadinareo, dia tahaka ny nitiavan'i Kristy ny fiangonana ka nanolorany ny tenany hamonjy azy, » (5:26) « mba hahamasina azy amin'ny anadiovany azy amin'ny rano fanasana amin'ny teny; » (5:27) « mba horaisiny* ho an'ny tenany izany ho fiangonana malaza tsy misy pentimpentina, na fiketronana, na izay toy izany, fa mba ho masina sady tsy misy tsiny izy. [* Gr. hatolony] »
Ny pentipentina na fiketronana lazain’i Paoly eto, dia ny fahotana izay mandoto ny akanjo tsaratarehin’ilay fofombadin’i Kristy. Ny ota – ny fandikana ny lalàna – dia tsy maintsy sasaina amin’ny soron’i Kristy. Koa ny Kristiana dia tsy maintsy miala amin’ny ota, amin’ny alalan’ny fampiasana ny herin’ny Fanahy Masina, izay manampy antsika hiova fo sy hitombo ara-panahy. Ny Fiangonan’Andriamanitra dia mampianatra ny lalànan’Andriamanitra, sady miezaka miaina mifanaraka amin’izany. Miomana mavitrika koa izy hanatontosa ny andraikitra maha vadin’i Kristy azy, madio sy tsy misy pentina.
ü INONA NO TANJON’NY FANAMBADIAN’I KRISTY NY SY FIANGONANA?
· Mba hamaliana izany fanontania alehibe izany, dia tsy maintsy iverenantsika ny tantara rehetra momba ny namoronan’Andriamanitra ny olombelona, sy ny fanekena nataon’Andriamanitra tamin’ny firenen’Isiraely tany an-tendrombohitra Sinay, sy izay anomanan’Andriamanitr ny olona ho tonga zanak’Andriamanitra, ary ny fanomanan’i Kristy ny fiangonana ho fofombadiny, sy izay andrasany amin’ny fitondrany zanaka marobe ho an’Andriamanitra.
· Famoronana ny olona tahaka ny endrika sy tarehin’Andriamanitra, izany hoe araka ny karazan’Andriamanitra (Gen 1:26-28).
(Genesisy 1:26) « Ary Andriamanitra nanao hoe: Andeha Isika hamorona olona tahaka ny endritsika, araka ny tarehintsika ; ary aoka izy hanjaka amin'ny hazandrano ao amin'ny ranomasina sy ny voro-manidina sy ny biby fiompy sy ny tany rehetra ary ny biby rehetra izay mandady na mikisaka amin'ny tany. » (Genesisy 1:27) « Ary Andriamanitra nahary ny olona tahaka ny endriny; tahaka ny endrik'Andriamanitra no namoronany azy; lahy sy vavy no namoronany azy. » (Genesisy 1:28) « Ary Andriamanitra nitso-drano azy hoe: Maroa fara sy mihabetsaha ary mamenoa ny tany, ka mampanompoa azy; ary manjaka amin'ny hazandrano ao amin'ny ranomasina sy ny voro-manidina ary ny biby rehetra izay mihetsiketsika ambonin'ny tany. » (Genesisy 1:29) « Ary Andriamanitra nanao hoe: Indro, efa nomeko anareo ny anana manintsam-boa rehetra izay ambonin'ny tany rehetra ary ny hazo rehetra izay misy voa sady manintsam-boa; dia ho fihinana anareo ireny. »
Fanamarihana: Ny olona izay noforonina araka ny karazan’Andriamanitra dia sady nomaniny hanjaka amin’ny zavatra noforonin’Andriamanitra rehetra, no nomaniny ho amin’ny fanekem-panambadiana, izay fomban’Andriamanitra, ary notsofiny rano hiteraka sy hihamaro manerana ny tany.
Ireo olona ireo dia homena fahefana hiara-manjaka amin'i Kristy rehefa miverina Izy (Lioka 19:11-28. Homen'i Kristy fahefana hampianatra ny olona isika, hitory ny Filazantsaran'Andriamanitra, ary izay mahatoky dia homena andraikitra ao amin'ny Fanjakan'Andriamanitra.
· Fanekena nataon’i Jehovah tamin’ny fiangonana, dia ny Zanak’Isiraely rehetra, (Eks 16:10) tao an-tendrombohitra Sinay.
[Ny nitobian’ny Zanak’Isiraely teo an-efitr’I Sinay, sy ny fanekena nataon’Andriamanitra taminy]
(Eksodosy 19:1) « Tamin’ny volana fahatelo taorian’ny nialan’ny Zanak’Isiraely tamin’ny tany Egypta, dia tamin’izany andro izany no nahatongavany tany an-efitr’I Sinay. » (Eksodosy 19:2) « Ary rehefa nifindra niala teo Refidima izy ka tonga tany amin’ny efitr’I Sinay, dia nitoby teo amin’ny efitra; dia tandrifin’ny tendrombohitra no nitobian’ny Isiraely teo. » (Eksodosy 19:3) « Ary Mosesy niakatra ho ao amin’Andriamanitra, dia niantso azy Jehovah tao an-tendrombohitra ka nanao hoe: Izao no holazainao amin’ny taranak’I Jakoba sy hambaranao amin’ny Zanak’Isiraely: » (Eksodosy 19:4) « Hianareo efa nahita izay nataoko tamin’ny Egyptiana sy izay nitondrako anareo tamin’ny elatry ny voromahery ary ny nampankanesako anareo ho aty amiko. » (Eksodosy 19:5) « Koa ankehitriny, raha hihaino ny feoko tokoa ianareo ka hitandrina ny fanekeko, dia ho rakitra soa ho Ahy mihoatra noho ny firenena rehetra ianareo; fa Ahy ny tany rehetra. » (Eksodosy 19:6) « Dia ho fanjaka-mpisorona sy ho firenena masina ho Ahy ianareo. Ireo teny ireo no holazainao amin’ny Zanak’Isiraely. »
· Ny fiangonana, dia ny Zanak’Isiraely rehetra, nantsoin’i Jehovah hoe vadiny, no ny ny fanekena nataony.
(Jeremia 31:31) « Indro, avy ny andro, hoy Jehovah, Izay hanaovako fanekena vaovao amin'ny taranak'Isiraely sy ny taranak'i Joda, » (Jeremia 31:32) « Nefa tsy araka ny fanekena nataoko tamin'ny razany tamin'ny andro nitantanako azy nitondra azy nivoaka avy tany amin'ny tany Egypta; Fa izy ireny dia nivadika ny fanekeko, Nefa Izaho no vadiny*,hoy Jehovah.[Na: tompony] » (Jeremia 31:33) « Fa izao no fanekena havoko amin'ny taranak'Isiraely. Rehefa afaka izany andro izany, hoy Jehovah: Dia hataoko ao an-tsainy ny lalàko sady hosoratako ao am-pony; Ary Izaho ho Andriamaniny, ary izy ho oloko. » (Jeremia 31:34) « Ary samy tsy hampianatra ny namany sy ny rahalahiny avy intsony izy hoe: Mahalalà an'i Jehovah; Fa samy hahalala Ahy avokoa izy rehetra. Hatramin'ny kely indrindra ka hatramin'ny lehibe indrindra, hoy Jehovah; Fa havelako ny helony, ary tsy hotsarovako intsony ny fahotany. »
· Ireo izay mitandrina ny didin’Andriamanitra, dia antsoin’i Jehovah hoe zanany.
(2 Korintiana 6:18) « Ary ho Rainareo Aho, ary ianareo ho zanako-lahy sy ho zanako-vavy, hoy Jehovah Tsitoha (Isa. 52. 11, 12). »