PENTEKOSTA: FETIN’NY VOALOHAM-BOKATRA
NAHATERAHAN’NY FIANGONAN’ANDRIAMANITRA
TAMIN’NY TESTAMENTA VAOVAO
MANORINA NY FIANAKAVIANY ANDRIAMANITRA
TENIN’ANDRIAMANITRA
Levitikosy
23:15-17
Lioka 24:49-53
Asan’ny Apostoly 2:1-5
Levitikosy 23:15-17 [Lalana ny amin’ny hanamasinana ny
fotoam-pivavahana voatendrin’i Jehovah]
(Levitikosy 23:15) « Ary manisà ho
anareo hatramin'ny ampitson'ny Sabata, dia hatramin'izay andro itondranareo ny
amboara ho fanatitra ahevaheva, dia fito herinandro mipaka. » (23:16) « Dia amin'ny ampitson'ny
Sabata fahafito no hahataperan'ny andro dimam-polo hisainareo, dia manatera
fanatitra hohanina vaovao ho an'i Jehovah indray. » (23:17) « Ary mitondrà mofo roa avy amin'ny fonenanareo ho
fanatitra ahevaheva; hatao amin'ny koba tsara toto roa ampahafolon'ny efaha izy
ka hasiana masirasira raha hendasina; voaloham-bokatra ho an'i Jehovah
izany. »
Fiomanana ho amin’ny Pentekosta: Mofo misy
masirasira roa no nasain’i Jehovah
entin’ny olona hahevahevan’ny mpisorona ho fankasitrahana azy ireo: (Levitikosy 23:17) … « voaloham-bokatra ho an'i Jehovah izany. »
ð
Ny mofo
misy masirasira dia manambara ny olona mpanota nibebaka, manaiky
hitandrina ny didin’Andrimanitra, ary izany no ankasitrahany azy. (Asa 2:37-39).
(Asan'ny Apostoly 2:37) « Ary raha
nandre izany ny olona, dia voatsindrona tam-pony ka nanao tamin'i Petera sy ny
Apostoly namany hoe: Ry rahalahy, inona no hataonay? » (2:38) « Ary hoy Petera taminy:
Mibebaha, ary aoka samy hatao batisa amin'ny anaran'i Jesosy Kristy ianareo
rehetra mba hahazo famelana ny helokareo; ary ianareo handray ny fanomezana,
dia ny Fanahy Masina; » (2:39)
« fa ny teny fikasana dia ho anareo sy ny zanakareo (Jiosy),
ary ho an'izay rehetra lavitra, na iza na iza hantsoin'i Jehovah
Andriamanitsika hanatona Azy (Jentilisa). »
ð
Ny maha roa ny mofo dia manambara fa avy amin’ny Jiosy (1er) sy avy amin’ny
Jentilisa (2e) ireo
olona ireo.
Lioka 24:49-53. [Ny nitsanganan’i Jesosy taminy maty, sy ny
nisehoany tamin’ny mpianany, ary ny niakarany ho any an-danitra]
(Lioka 24:49) « Ary, indro, Izaho
mampitondra ny teny fikasan'ny Raiko ho anareo; fa mitoera eto an-tanàna
mandra-panafiana anareo amin'ny hery avy any amin'ny avo. » (24:50) « Ary Jesosy nitondra azy
hatrany Betania, dia nanandratra ny tànany ka nitso-drano azy. » (24:51) « Ary raha mbola
nitso-drano azy Izy, dia nisaraka taminy ka nakarina ho any an-danitra. » (24:52) « Ary izy ireo nitsaoka
Azy, dia niverina ho any Jerosalema sady faly indrindra. » (24:53) « Ary teo an-kianjan'ny
tempoly isan'andro izy nankalaza an'Andriamanitra. »
Asan’ny Apostoly 2:1-5 [Ny nylatsahan’ny Fanahy Masina tamin’ny Andro
Pentekosta, sy ny toriteny nataon’i Petera tamin’izany]
(Asan'ny Apostoly 2:1) « [Ny
nilatsahan'ny Fanahy Masina tamin'ny Andro Pentekosta, sy ny tori-teny nataon'i
Petera tamin'izany] Ary nony tonga ny Andro Pentekosta, dia teo amin'ny fitoerana
iray izy rehetra. » (2:2)
« Ary nisy feo tonga tampoka avy tany an-danitra, toy ny rivotra mahery
mifofofofo, ka nanenika ilay trano niangonany. » (2:3) « Ary nisy lela maro mitarehin'afo niseho taminy, izay
nizarazara; ary nipetraka tamin'izy rehetra isan-olona izany. » (2:4) « Ary samy feno ny Fanahy
Masina izy rehetra, ka dia niteny tamin'ny fiteny maro samy hafa, araka ny
nampitenenan'ny Fanahy Masina azy. » (2:5)
PENTEKOSTA, FETIN’NY VOALOHAM-BOKATRA
NAHATERAHAN’NY FIANGONAN’ANDRIAMANITRA TAMIN’NY TESTAMENTA VAOVAO
MANORINA NY
FIANAKAVIANY ANDRIAMANITRA
Toriteny:
Dr. Daniel Rakotondravony, Fiangonan'Andriamanitra Miray
Ny Fetin’ny Pentekosta no maneho ny dingana
fahatelo amin’ny Planin’Andriamanitra ho amin’ny Famonjena. Ny fanarahana
hatrany ny dingana ambaran’ireo Fety fito no mampahazava ny Planin’ny Famonjena
ho an’ny olombelona. Ireo izay tsy mahafantatra ny momba an’ireo Fety ireo, dia
tsy hahatakatra velively ny tanjon’ny fiainan’ny olombelona.
Ireto no fanontaniana fototra :
ü Inona
amin’ny Planin’Andriamanitra ho fanorenana ny Fianakaviany no ampianarin’ny
Fetin’ny Pentekosta ?
ü Inona no
tombotsoa sy fitahiana azon’ny olona mpikambana ao amin’ny
Fiangonan’Andriamanitra, izay Fianakaviany ara-panahy?
Manao
ahoana moa no nanombohan’Andriamanitra ny Fiangonany tamin’ny Testamenta
Vaovao?
Asan'ny Apostoly 2:1-4
[Ny nilatsahan'ny Fanahy
Masina tamin'ny Andro Pentekosta, sy ny tori-teny nataon'i Petera tamin'izany]
(Asan'ny Apostoly
2:1) « Ary nony tonga ny Andro
Pentekosta, dia teo amin'ny fitoerana iray izy rehetra. » (2:2) « Ary nisy feo tonga tampoka
avy tany an-danitra, toy ny rivotra mahery mifofofofo, ka nanenika ilay trano
niangonany. » (2:3) « Ary
nisy lela maro mitarehin'afo niseho taminy, izay nizarazara; ary nipetraka
tamin'izy rehetra isan-olona izany. » (2:4) « Ary samy feno ny Fanahy
Masina izy rehetra, ka dia niteny tamin'ny
fiteny maro samy hafa, araka ny nampitenenan'ny Fanahy Masina azy. » (2:5) « Ary nisy Jiosy, mpivavaka
tsara, nitoetra tany Jerosalema, avy tany amin'ny firenena samy hafa rehetra
ambanin'ny lanitra. »
Inona no fahagagana tsy manam-paharoa niseho tamin’ny andro manokan’ny Pentekosta?
è Heverinao ve fa
nahazo ny Fanahy Masina ireo olona ireo raha tsy tonga nitandrina an’io Andro
Masin’Andriamanitra io?
Asan'ny Apostoly 1:4-5; 5:32
(Asan'ny Apostoly
1:4) « Ary raha niara-niangona teo aminy Jesosy, dia namepetra azy
tsy hiala an'i Jerosalema, fa hiandry ny teny fikasan'ny Ray, izay efa
renareo tamiko, hoy Izy; » (1:5)
« fa Jaona nanao batisa tamin'ny rano; fa ianareo kosa hatao batisa
amin'ny Fanahy Masina, rehefa afaka andro vitsivitsy. »
(Asan'ny Apostoly
5:32) « Ary izahay dia vavolombelon'izany zavatra izany, ary ny Fanahy
Masina koa, Izay efa nomen'Andriamanitra ny manaiky Azy. »
ü Tamin’ireo olona an’arivony maro nitorian’i Jesosy ny
filazantsara ny amin’ny Fanjakan’Andriamanitra, dia 120 ihany no tonga tamin’ny
Pentekosta, ka nandray ny Fanahy Masina.
Asan'ny Apostoly 1:15-26
[Ny nifidianan'ny
Apostoly ny anankiray ho namany hisolo an'i Jodasy]
(Asan'ny Apostoly
1:15) « Ary tamin'izany andro izany dia nitsangana teo afovoan'ny
rahalahy Petera (tokony ho roa-polo amby zato no isan'ny olona* vory teo) ka
nanao hoe: [*Gr. anarana] » (1:16)
« Ry rahalahy, tsy maintsy notanterahina ilay tenin'ny Soratra Masina
nampilazain'ny Fanahy Masina rahateo an'i Davida ny amin'i Jodasy, izay tonga
mpitarika ny olona nisambotra an'i Jesosy; » (1:17) « fa izy dia isantsika ihany ka nahazo anjara tamin'izao
fanompoana izao koa. » (1:21)
« Koa amin'ireo lehilahy niaraka teto amintsika mandrakariva ireo, raha
niditra sy nivoaka tamintsika Jesosy Tompo, » (1:22) « hatramin'ny batisan'i Jaona ka hatramin'ny andro
nampiakarana Azy niala tamintsika, dia tokony hisy anankiray ho namantsika mba
ho vavolombelon'ny nitsanganany. » (1:23)
« Ary nanokana roa lahy izy, dia Josefa, atao hoe Barsabasy, izay atao hoe
koa Josto, ary Matia. » (1:24)
« Dia nivavaka izy ka nanao hoe: Hianao, Tompo ô, Izay mahalala ny fon'ny
olona rehetra, asehoy izay nofidinao amin'izy roa lahy ireto, » (1:25) « mba hahazoany anjara
amin'izao fanompoana sy ny maha-Apostoly izao, izay nialan'i Jodasy hankanesany
any amin'ny fitoerany. » (1:26)
« Dia nanao filokana ho azy izy, ka latsaka tamin'i Matia ny filokana; ary
izy no lany ho isan'ny Apostoly iraika ambin'ny folo lahy. »
Ahoana
no fomba nanomezan’Andriamanitra ny Fanahy Masina ho an’ny olona hafa
taorian’ny Pentekosta ?
Asan'ny Apostoly 8:17-19;
19:5-6
(Asan'ny Apostoly
8:17) « Ary izy roa lahy nametra-tanana taminy, ka dia
nandray ny Fanahy Masina ireo. » (8:18) « Ary Simona, nony nahita fa ny fametrahan'ny Apostoly
tanana no nanomezana ny Fanahy Masina, dia nitondra vola homena azy » (8:19) « ka nanao hoe: Omeo izany
fahefana izany koa aho, mba handray ny Fanahy Masina izay olona hametrahako
tanana. »
(Asan'ny Apostoly 19:5) « Ary raha nahare izany izy, dia natao batisa ho amin'ny anaran'i Jesosy Tompo. » (19:6) « Ary rehefa nametrahan'i Paoly tanana izy, dia nilatsaka taminy ny Fanahy Masina; ary niteny tamin'ny teny tsy fantatra izy sady naminany. »
Ahoana no hahatongavan’ny olona iray ho momba
ny tenan’ Kristy ara-panahy, izany hoe ho Fiangonan’Andriamanitra ? Mark 1:14-15; Asa 2:36-39.
· (Marka 1:14) « Ary
rehefa voasambotra Jaona, dia nankany Galilia Jesosy nitory ny filazantsaran'Andriamanitra »
(1:15) « ka nanao hoe: Efa tonga ny fotoana, ka efa akaiky ny
fanjakan'Andriamanitra; mibebaha ianareo ka minoa ny filazantsara. »
· (Asan'ny Apostoly 2:36)
« Koa aoka ho fantatry ny taranak'isiraely rehetra marimarina fa iny Jesosy
nohomboanareo tamin'ny hazo fijaliana iny dia efa nataon'Andriamanitra ho Tompo
sy Kristy. » (2:37) « Ary
raha nandre izany ny olona, dia voatsindrona tam-pony ka nanao tamin'i Petera
sy ny Apostoly namany hoe: Ry rahalahy, inona no hataonay? » (2:38) « Ary hoy Petera taminy: Mibebaha,
ary aoka samy hatao batisa amin'ny anaran'i Jesosy Kristy ianareo rehetra mba hahazo
famelana ny helokareo; ary ianareo handray ny fanomezana, dia ny Fanahy Masina; »
(2:39) « fa ny teny fikasana
dia ho anareo sy ny zanakareo ary ho an'izay rehetra lavitra, na iza na iza
hantsoin'i Jehovah Andriamanitsika hanatona Azy. »
· (1 Korintiana 12:13)
« Fa Fanahy iray ihany no nanaovam-batisa antsika rehetra ho tena iray, na
Jiosy an jentilisa, na andevo na tsy andevo; ary isika rehetra dia efa
nampisotroina ny Fanahy iray. »
·
(Efesiana 5:30)
« fa momba ny tenany isika. »
Fanapahan-kevitra
tena lehibe eo amin’ny fiainana ny fanaovana batisa eo
amin’ny olona iray. Tsy maintsy mahatakatra tsara ny fanekena ataony
amin’Andriamanitra izy. Izany no antony tsy anaovana batisa olona tsy matotra.
Arak’izany dia ireto ny fepetra takiana
alohan’ny hanaovana batisa:
ü Mifona sy mibebaka amin’Andriamanitra noho ny fahotana
rehetra izay natao
ü Mino sy manaiky an’i Jesosy Kristy ho Tompo sy Mpamonjy
ny fiainana, Ilay maty sy nilevina ary nitsangana araka ny Soratra Masina
ü Mino ny Filazantsaran’ny Fanjakan’Andriamanitra
ü Manaiky hatao batisa amin’ny anaran’i Jesosy Kristy ho famelan-keloka
ü Mino fa ny fametrahan-tanana sy vavaka aorian’ny batisa no andraisana ny
Fanahy Masina izay hananatra sy hampiray, ary hampahery hitandrina ny Didy.
Ireto ny
tenin’Andriamanitra manamarina: Matio 3:13, 16; Jaona 3:23; Asan’ny Apostoly 8: 14-17
· (Matio 3:13)
« Ary tamin'izay Jesosy dia avy tany Galilia ka tonga teo amoron'i
Jordana, dia nanatona an'i Jaona Izy mba hataony batisa. » (3:16) « Ary raha vao natao batisa
Jesosy, dia niakatra avy teo amin'ny rano niaraka tamin'izay Izy; ary, indro,
nisokatra taminy ny lanitra, ary hitany ny Fanahin'Andriamanitra nidina tahaka
ny voromailala ka nankeo amboniny. »
· (Jaona 3:23)
« Ary Jaona koa nanao batisa tao Ainona, akaikin'i Saleima, satria nisy
loharano maro tao; dia nankany ny olona ka nataony batisa. »
· (Asan'ny Apostoly
8:14) « Ary nony ren'ny Apostoly tany Jerosalema fa Samaria efa
nandray ny tenin'Andriamanitra, dia naniraka an'i Petera sy Jaona izy hankany
aminy. » (8:15) « Nony
tafidina tany izy roa lahy, dia nivavaka ho an'ny olona mba handraisany ny
Fanahy Masina. » (8:16)
« Fa tsy mbola nisy nilatsahany izy na dia iray akory aza; fa natao batisa
tamin'ny anaran'i Jesosy Tompo ihany izy. » (8:17) « Ary izy roa lahy nametra-tanana taminy, ka dia nandray
ny Fanahy Masina ireo. »
Tombotsoa sy fitahiana azon’ny olona mpikambana ao
amin’ny Fiangonan’Andriamanitra, izay Fianakaviany ara-panahy
·
Ny Fanahin’Andriamanitra no manambatra antsika ho tena
iray ao
amin’i Kristy. Rehefa mandray ny Fanahy Masina ny olona iray, dia tonga mpikambana amin’ny
Fianakavian’Andriamanitra, tahaka ny zaza tonga mpiambana amin’ny
fianakaviana iray rehefa torontoronina ao an-kibon-dreniny.
· Inona no
iantsoan’Andriamanitra io tenan’ny mpino
io?
· - (Kolosiana 1:18) « … Izy no Lohan'ny tena, dia ny
fiangonana; … »
· - (Kolosiana 1:24) … Ho an'ny tenany, dia ny fiangonana. »
· Ahoana no anoharan’Andriamanitra ny mpiakambana amin’ny fiangonany ho momba
ny tena iray?
o
(1 Korintiana 12:12-13) « Fa tahaka ny tena iray ihany, anefa maro no
momba ny tena, ary ireo rehetra momba ny tena ireo, na dia maro aza, dia tena
iray ihany, dia tahaka izany koa Kristy. » Ny tsirairay amintsika dia
momba ny tenan’i Kristy, izay tsy mizarazara. … ny Fanahy Masina no nampimbatra
antsika rehetra ho tena iray. (12:13)
« Fa Fanahy iray ihany no nanaovam-batisa
antsika rehetra ho tena iray, na Jiosy an jentilisa, na andevo na tsy andevo;
ary isika rehetra dia efa nampisotroina ny Fanahy iray. »
Toy inona moa ny Fanahy Masina izay
mampitambatra antsika izany?
· Ny Fanahy Masina dia ny herin’Andriamanitra
miasa ao amin’ny fiainantsika. Asa 1:8; Romans 15:13,
Romans 15:19
ü (Asan'ny Apostoly 1:8)
« Fa hahazo hery ianareo amin'ny hilatsahan'ny Fanahy Masina aminareo, ary
ho vavolombeloko any Jerosalema sy eran'i Jodia sy Samaria ary hatramin'ny
faran'ny tany. »
ü (Romana 15:13) « Ary
Andriamanitry ny fanantenana anie hameno anareo amin'ny fifaliana sy ny
fiadanana rehetra amin'ny finoanareo, mba hitomboanareo amin'ny fanantenana
noho ny herin'ny Fanahy Masina. »
ü (Romana 15:19) « dia
tamin'ny herin'ny famantarana sy ny fahagagana, ary tamin'ny herin'ny Fanahy
Masina, dia hatrany Jerosalema ka manodidina hatrany Ilyrikiona, no
nahatanterahako ny fitoriako ny filazantsaran'i Kristy. »
· Ny Fanahy dia ny maha-Izy azy an’Andriamanitra sy
Jesosy Kristy eo amin’ny voninahiny, ary ny maha-izy azy ny anjely koa. Tsy
hitan’ny mason’olombelona ny Fanahy, satria ny olombelona dia fizika fa tsy
fanahy.
ü Ny
Fanahin’Andriamanitra dia ny heriny izay azo oharina amin’ny rian’aratra.Tsy
hitan’ny masontsika, saingy fantatsika ny fisiany, noho ny heriny lehibe. Afaka
miasa avy any amin’ny halavirana lehibe izy, ary afaka misy amin’ny velarana
lehibe. Na dia tsy hitantsika aza mazana ny rian’aratra, dia hitantsika ihany
izy indraindray amin’ny alalan’ny tselatra, na ny hazavana.
ü Ny
Fanahin’Andriamanitra koa dia sahala amin’ny rivotra, fa na tsy hita maso aza,
dia manana hery misy fiatraikany amin’ny olona na ny zavatra.
· Raha mbola teto an-tany Jesosy
Kristy, dia nomen’Andriamanitra ny Fanahy Masina. (Matio
3:16 sy Asa 10:38).
ü (Matio 3:16) « Ary raha vao natao batisa Jesosy,
dia niakatra avy teo amin'ny rano niaraka tamin'izay Izy; ary, indro, nisokatra
taminy ny lanitra, ary hitany ny Fanahin'Andriamanitra nidina tahaka ny
voromailala ka nankeo amboniny. »
ü (Asan'ny Apostoly 10:38) « Izay
nohosoran'Andriamanitra tamin'ny Fanahy Masina sy ny hery sady nandehandeha
nanao soa sy nahasitrana izay rehetra azon'ny herin'ny devoly, satria
Andriamanitra nomba Azy. »
· Ny Fanahy Masina feno tamin’i Jesosy Kristy no nanany
hery sy fiainana tanteraka, ary nahafahany nanao ny asan’Andriamanitra. (Efesiana 3:19; 4:13).
ü (Efesiana 3:19)
« ary hahalala ny fitiavan'i Kristy, izay mihoatra noho ny fahalalana, mba
hamenoana anareo ho amin'ny fahafenoan'Andriamanitra rehetra. »
ü (Efesiana 4:13)
« mandra-pahatongantsika rehetra ho amin'ny firaisan'ny finoana sy ny
fahalalana tsara ny Zanak'Andriamanitra, ka ho lehilahy lehibe, mahatratra ny
ohatry ny halehiben'ny fahafenoan'i Kristy; »
Ny Pentekosta mampiseho ny fomba
anorenan’Andriamanitra ny Faianakaviany
·
Antsoina hoe koa Fetin’ny Voaloham-bokatra ny
Pentekosta ( Eksodosy 23:16 )
(Eksodosy 23:16)
« Ary tandremo koa ny andro firavoravoana amin'ny fijinjana ny
voaloham-bokatry ny asanao, izay nafafinao tany an-tsaha, sy ny andro
firavoravoana amin'ny fanangonana amin'ny faran'ny taona, raha manangona ny
vokatry ny asanao avy any an-tsaha ianao. »
·
Tsy maintsy mitandrina ny
Fety Finjinjana ny voaloham-bokatry ny asanao ianao
·
Ny fijinjana ny valoham-bokatra dia ohatra
amin’ny fanorenan’Andriamanitra ny Fianakaviany ?
·
Iza no voalohany
tonga mpikambana feno amin’ny Faianakavian’Andriamanitra ara-panahy?
1 Korintiana 15:20-23
(1 Korintiana
15:20) « Nefa tsy izany, fa efa natsangana tamin'ny maty tokoa Kristy ho santatr'izay efa nodi-mandry. »
(15:21) « Ary satria ny olona
iray no nisehoan'ny fahafatesana, dia ny Olona iray kosa no nisehoan'ny
fitsanganan'ny maty. » (15:22)
« Fa tahaka ny ahafatesan'ny olona rehetra ao amin'i Adama no
ahaveloman'ny olona rehetra kosa ao amin'i Kristy. » (15:23) « Nefa samy amin'ny filaharany avy: Kristy no santatra; rehefa afaka izany, dia izay an'i Kristy amin'ny fihaviany. »
Iza koa no ho “Voaloham-bokatra” ao amin’ny Planin’Andriamanitra?
Jakoba 1:18;
Apokalypsy 14:4; Romana 8:23 … Isika koa, izay manana ny voaloham-bokatry
ny Fanahy …
·
(Jakoba 1:18) « Tamin'ny sitrapony
no niterahany antsika tamin'ny teny fahamarinana, mba ho santatry ny zavatra
noforoniny isika. »
·
(Apokalypsy 14:4)
« Ireo no tsy voaloto tamin'ny vehivavy, fa virijina izy. Ireo no manaraka
ny Zanak'ondry na aiza na aiza no alehany. lreo no navotana avy tamin'ny olona
ho voaloham-bokatra ho an'Andriamanitra sy ny Zanak'ondry. »
·
(Romana 8:23)
« ary tsy izany ihany, fa isika koa, na dia manana ny voaloham-bokatry ny
Fanahy aza, isika aza dia misento ato anatintsika, miandry ny fananganan'anaka,
dia ny fanavotana ny tenantsika. »
FEHINY
Fitahiana ny maha-mpikambana amin’ny Fiangonan’Andriamanitra,
satria hiditra ao amin’ny Fanjakan’Andriamanitra.
·
Momba ny tenan’i
Kristy ara-panahy ireo mpikambana ao amin’ny Fiangonan’Andriamanitra; noho
izany, dia hanana fiainana mandrakizay any aoriana.
·
Fitahiana koa anefa
izany, dieny ankehitriny izao, satria mpikambana amin’ny
Fianakavian’Andriamanitra isika, ary manome voninahitra Azy sy manao ny
sitrapony. (Asa 2:42; Hebreo 10:24-25; 1 Jaona 1:3,7)
ü (Asan'ny Apostoly 2:42)
« Ary izy ireo naharitra tamin'ny fampianaran'ny Apostoly sy ny fiombonana
sy ny famakiana ny mofo ary ny fivavahana. »
ü (Hebreo 10:24) « ary
aoka isika hifampandinika hampandroso ny fitiavana sy ny asa tsara; » (10:25) « aza mahafoy ny
fiarahantsika miangona, tahaka ny fanaon'ny sasany, fa mifananara kosa, mainka
satria hitanareo fa mihantomotra ny andro. »
ü (1 Jaona 1:3) « izay efa
hitanay sy renay no ambaranay aminareo, mba hahazoanareo firaisana aminay koa;
ary ny firaisanay dia amin'ny Ray sy amin'i Jesosy Kristy Zanany. »
ü (1 Jaona 1:7) « Fa raha
mandeha eo amin'ny mazava isika, tahaka Azy eo amin'ny mazava, dia manana
firaisana isika, ary ny ran'i Jesosy Zanany no manadio antsika ho afaka amin'ny
ota rehetra. »
·
Ny Voaloham-bokatr’Andriamanitra dia ireo
izay nibebaka, natao batisa, ary nandray ny Fanahiny Masina.
ü Tokony hatao batisa ve ny zazakely, mba haha-voaloham-bokatra azy ireo
koa? Mety ve sa tsy mety izany?
Valiny: Tsy mety, satria tsy mbola matotra izy ireo,
ary tsy nianatra sy tsy nitandrina ny fepetra rehetra ilaina amin’ny fanaovana
batisa.
ü Aiza ny zaza no tafiditra ao amin’ny Planin’Andriamanitra
manorina ny Fianakaviany? 1 Korintiana 7:14
(1 Korintiana
7:14) « Fa ny lahy tsy mino dia efa masina ao amin'ny vavy ary ny vavy
tsy mino dia efa masina ao amin'ny rahalahy; raha tsy izany kosa, dia tsy madio
ny zanakareo; fa raha izany, dia masina izy. »
(Matio 18:3) « Lazaiko
aminareo marina tokoa: Raha tsy miova* ianareo ka ho tonga tahaka ny zazakely,
dia tsy hiditra amin'ny fanjakan'ny lanitra mihitsy ianareo.[*Gr.
mitodika] »